才女麥明詩盛勁為公佈婚訊啦

早前有攝影師流出一輯麥明詩嘅婚紗照，令佢同男友盛勁為嘅婚訊曝光。當時有傳二人將於三月結婚，不過主角尋晚（周二）已經喺社交平台公布婚訊，盛勁為更自爆二人相識經過，同埋被求婚過程！

麥明詩安排同盛勁為及一班朋友聚餐，然後席間播放片段，畫面寫上「盛勁為，你願意同我結婚嗎？麥明詩」」，之後麥明詩拎出名錶向男友求婚，問道「你願唔願意同我結婚？」，眾人立即起哄。求婚時麥明詩向盛勁為送上嘅愛彼名錶，據估計市價約27萬，好重手！

盛勁為曾經係港龍機師，2020年疫情期間參加《TVB衝上雲霄大選》入行。早喺2021年已經有傳盛勁為同麥明詩撻著，仲被拍到喺西九海濱野餐。後來二人再被拍到同遊北海道，但麥明詩都只係話大家係好朋友，到舊年麥先正式承認戀情，更表明有結婚共識。

$ |8 U3 A* c2 l: z! J/ P! C: V; G消息來源：https://ynews.page.link/f42UA